U mbajt mbledhja e Grupit të Grave të Kamenicës

/2L ONLINE/ – Në Shtëpinë e Kulturës “ Isa Kastrati”,u mbajt mbledhja e Grupit të Grave të Kamenicës, të cilën e udhëhoqi kryesuesja e këtij grupi Hazbije Myrtaj- Kallaba. Të pranishëm në këtë mbledhje ishin: Kryetari i komunës z. Begzad Sinani, ekipi komunal i OSBE-së, drejtorët e drejtorive komunale dhe pjesëtarët KFOR-it amerikan.

Kryesuesja, i njoftoi të pranishmit me aktivitet e gjertanishme, sidomos ato nga ardhja e saj në krye të grupit. Ajo i numëroi disa rezultate, si iniciativa e kontrollimit sistematik të nxënësve nga QKMF-ja, si dhe përgatitja planin e punës për vitin 2016 dhe aktivitetet tjera.

Në fjalën e vet kryetari i komunës, përsëriti gatishmërinë për ta ndihmuar Grupin e Grave të Kamenicës, në aktivitetet e tyre, njëherit nga kryesia e grupit kërkoi zgjerim me anëtare të interesuara që duan të kontribuojnë në aktivitetet e grupit në fjalë. Poashtu nga ato kërkoj të tregojnë vendosmërinë e tyre,se kanë dije dhe vullnet të luajnë rol të rëndësishëm në zhvillimet dhe proceset shoqërore. Lidhur me buxhetimin e përgjegjshëm gjinor për vitin 2016, foli zyrtari kryesor financiar Naser Hashani. /2L ONLINE/