U mbajt diskutim publik për rregulloren e Qendrës Rinore

/2L ONLINE/ – Organizuar nga Drejtoria për Kulturë, Rini e Sport në Viti, është mbajtur sot diskutimi publik me nxënësit e shkollave të mesme të Vitisë, lidhur me Draft rregulloren për organizimin dhe funksionimin e Qendrës Rinore në Viti.

Në këtë diskutim ishte i pranishëm edhe kryesuesi i Kuvendit Komunal Naim Pir, i cili ka theksuar rëndësinë që ka kjo rregullore, ndërkohë që ka njoftuar me procedurat që duhet ndjekur deri në arritjen finale të aprovimit në Kuvend. Ndërkaq zv.kryetari i komunës Hasan Aliu ka thënë se kjo rregullore është një dokument shumë i rëndësishëm që tregon fushë veprimtarinë e Qendrës Rinore.

“Kabineti i kryetarit Haliti është i përkushtuar që Brenda mundësive të krijojë hapësira për një funksionim sa më të mirë, por edhe të organizojë jetën rinore në komunën e Vitisë”, ka thënë Aliu. Nxënësit e pranishëm në këtë diskutim u njohën me draft rregulloren përmes prezantimit që e bëri zyrtari për Rini e Sport Emrush Azemi, kurse nxënësit më pas dhanë edhe propozimet dhe sugjerime të cilat do të inkorporohen në këtë rregullore, para se të hyjë në procedurat për miratim. /2L ONLINE/