U mbajt debati publik i Rregullores mbi Transparencën
(2L ONLINE) – Ne kuadër të projektit OJQ-së “Network of Peace Movement (NOPM)” ka organizuar debatin publik lidhur me Rregulloren mbi Transparencën .Në këtë debat kanë marrë pjesë anëtarët e komisionit për hartimin e rregullores , qytetar, nxënës, përfaqësues te administratës komunale si dhe përfaqësues te zyrës dhe qytetar te komunitetit serb.
OJQ-ja NOPM është e angazhuar ne mënyrë aktive në hartimin dhe zbatimin e politikave, angazhohet ta rrit transparencën dhe të promovoj vetëqeverisjen lokale si dhe pjesëmarrjen e publikut në vendim-marrje. Ky debat ka pasur për qëllim diskutimin dhe propozimet për hartimin e draft-propozimit të Rregullores Komunale për Transparence duke konsultuar legjislacionin në fuqi.
Lulzim Canaj, Kryesues i komisionit ka thënë se kjo Rregullore ka për qëllim ta forcoje Transparencën e organeve komunale gjatë kryerjes së autorizimeve dhe përgjegjësit publike duke përfshirë lehtësimin e qasjes së publikut ne dokumentet zyrtare të komunës. “ Sot po e shpalosi para jush rregulloren qe bashku me anëtarët e komisionit e kemi hartuar , ne jemi munduar qe te bëjmë harmonizimin e Rregullores me ligjet dhe urdhëresat administrative qe janë ne fuqi dhe kërkojmë nga ju qe te jeni pjesëmarrës aktiv ne diskutime lidhur me ndryshimin dhe amandamentimin e Rregullores” ka thënë Canaj
Qytetarët Ramadan Ajvazi dhe Qazim Jashari , kanë kërkuar nga organizatoret qe krerët komunal , kryetari , kryesuesi dhe këshilltarët komunal te jene te pranishëm ne debatet publike me qellim qe te rritet niveli i debatit .Gjate debatit te pranishmit kane bere sugjerime dhe propozime te reja për draftet e rregullores komunale për transparence dhe plani te veprimit. Gjate diskutimeve janë propozuar si sugjerime takime me te shpeshta me media, shoqërinë civile, futjen e formularëve për qasje ne dokumente zyrtare, ofrimin e formularëve për qasje ne dokumente zyrtare, rritjen e dëgjimeve buxhetore, përdormini e metodave tjera për pjesëmarrjen e publikut ne vendim-marrje, shfrytëzimin e mediave sociale dhe përgatitjen e planeve te punës për kuvendin komunal, komitetet e përhershme dhe komitete konsultative.
Ky aktivitet është ne kuadër te projektit “Hartimi i Rregullore Komunale dhe Planit të Veprimit të Transparencës Komunale” qe menaxhohet nga Fondacioni Kosovar për Shoqëri Civile (KCSF) dhe financohet nga Bashkimi Evropian (BE) lidhur me fuqizimin e përfshirjes së shoqërisë civile në hartimin dhe zbatimin e politikave në Kosovë dhe zbatohet nga OJQ Network of Peace Movement (NOPM). /2L ONLINE/