U mbaj mbledhja e VI-të e KPF-së

/2L ONLINE/ – Është mbajtur sot mbledhja e VI-të e rregullt e Komitetit për Politikë e Financa, ku janë shqyrtuar disa pika me rendësi. Për këtë mbledhje ishte paraparë që të debatohet për shqyrtimin e Kornizës Afatmesme Buxhetore të komunës së Vitisë për vitin 2016-2018, për planin e veprimit për mbrojtje nga zjarri në komunën e Vitisë, si dhe propozim vendimi për formimin e komisionit për shqyrtimin e ankesave për dhënien në shfrytëzim dhe këmbim të pronës komunale.

Anëtarët e këtij komiteti, kanë propozuar edhe pika të tjera për seancën e radhës së Kuvendit komunal, ndër to u do të jetë edhe një Informatë rreth punës së kryetarit të komunës dhe organeve komunale për periudhën Janar-Qershor 2015. Pika të tjera që do të diskutohen në Kuvendin e ardhshëm do të jenë edhe propozim rregullorja për mënyrën e organizimit të korrje shirjeve në komunën e Vitisë, Informatë mbi ndarjen e bursave të studentëve dhe një informatë në lidhje me vendosjen e ormanëve elektrik nga ana e KEDS-it në shtyllat elektrike. Seanca e VI-të e Kuvendit Komunal të Vitisë, u caktua që të mbahet më 30 qershor, respektivisht të martën e javës së ardhshme./2L ONLINE/