“U mashtruan nga një agjenci turistike, lajmërojnë rastin në polici”

Autoritetet policore kanë bërë me dije për një rast të klasifikuar si “mashtrim” që ka ndodhur në rrugën “Pajazit Ahmeti” në Gjilan.

Sipas policisë, dy viktimat, femra K-Shqiptare, kanë raportuar në polici se janë mashtruar nga i dyshuari, pronar i një agjencie turistike, duke ua marr të hollat për rezervime të pushimeve turistike.

Është kontrolluar kjo agjenci, por nuk është gjetur asgjë e dyshuar pasi që, i dyshuari kishte hequr shtëpizën e kompjuterit dhe dokumentacionet tjera, thuhet në raportin e policisë.

I dyshuari nuk ishte takuar pasi që i njëjti kishte ikur dhe ndodhet në arrati.

Rasti mbetet nën hetime të mëtutjeshme.