U hap Manifestimi “Flakadani i Karadakut 2016”

/2L ONLINE/ – Është hapur Manifestimi Tradicional mbarëkombëtar kulturor e sportiv “Flakadani i Karadakut 2016” me ndezjen e flakadanit në sheshin Nijazi Azemi në Viti. Të pranishëm në ceremoninë e hapjes solemne, ishin përfaqësues Institucional, udhëheqës të komunës së Bujanovcit, nga shoqatat e dala nga lufta e UÇK-së, UÇPMB-së, si dhe artistë, piktor, shkrimtar dhe mysafir të shumtë.
Manifestimin e sivjetmë të “Flakadanit të Karadakut” e shpalli të hapur kryetari i komunës së Vitisë, nën përkujdesjen e të cilit edhe mbahet ky eveniment Sokol Haliti, i cili ka theksuar rëndësinë e madhe që ka kjo ngjarje e cila nderon veprën e komandant Mjekrës, por edhe gjithë dëshmorët që dhanë jetën për liri.

“Që sonte po dëshmohet madhështia e këtij manifestimi. Këtë po e bënë prezenca e juaj e cila po nderon edhe veprën e komandantit Nijazi Azemi, po nderon dëshmorët, por edhe gjithë shqiptarinë. Realisht edhe manifestimi Falakadani i Karadakut, na nderon si komunë ku për 6 ditë me radhë do të zhvillohen një varg aktivitetesh kulturore e sportive në të cilin marrin pjesë vëllezërit dhe motrat tona nga anë e mbanë trojeve shqiptare. Uroj që ky flakadan të shërbej si një udhërrëfyes për të gjithë he të na e kujtoj veprën por edhe amanetin e atyre që u flijuan që ne sot të jemi të lirë”, u shpreh kryetari Haliti.

Ndezjen e Flakadanit të sivjetmë e bënë kryetari Haliti, kryetari i komunës së Bujanovcit Nagip Arifi, baba i komandant “Mjekrës” Ramush Azemi, drejtoresha për kulturë Kaltrina Sylejmani dhe kryetari i OVL-së në Viti Avdyl Bajrami. Më pas është hapur ekspozita e “Flakadanit të Karadakut 2016” e artistëve nga komuna të ndryshme, e cila do të jetë e hapur për shikuesit në Galerinë e arteve në Viti. /2L ONLINE/