U diskutua për performancën e Kompanisë dhe të furnizimit të rregullt të konsumatorëve me ujë

Më 26.12.2024 Bordi i Drejtorëve i KRU “Hidromorava” mbajti Mbledhjen e njëmbëdhjetë (XI-të) të rregullt për këtë vit dhe së bashku me Menaxhmentin e Kompanisë u diskutua performanca e Kompanisë dhe furnizimi i rregullt i konsumatorëve me ujë.

Pas analizave dhe diskutimeve, Bordi i Drejtorëve unanimisht aprovoi:

● Raportin e punës për muajin nëntor;

● Aneks Planin e Biznesit 2025 -2027;

“Gjatë këtij muaji si çdo muaj tjetër fokusi kryesor i Kompanisë ishte furnizimi i mjaftueshëm me ujë i të gjithë konsumatorëve në zonën e shërbimit si dhe si përfundim, bashkarisht u vendos që të vazhdohet me përmirësimin e efikasitetit dhe cilësisë së shërbimeve të Kompanisë si dhe realizimin e suksesshëm të projekteve investive të planifikuara për vitin 2024”, thuhet në njoftimin e Hidromoravës. /2LONLINE/