U.D. Kryeprokurori i Shtetit priti në takim përfaqësuesit e Nismës së të Rinjve për të Drejtat e Njeriut në Kosovë (YIHR)

Ushtruesi i Detyrës së Kryeprokurorit të Shtetit, Besim Kelmendi, ka pritur në takim përfaqësuesit e organizatës “Nisma e të Rinjve për të Drejtat e Njeriut në Kosovë (YIHR)”.

Temë e diskutimeve të përbashkëta ishte bashkëpunimi në fushën e sundimit të ligjit, forcimi i të drejtave të njeriut, qasja në drejtësi, mbajtja e trajnimeve në funksion të ngritjes së kapaciteteve profesionale për zyrtarët ligjor dhe bashkëpunëtorët profesional të prokurorive, avokimi dhe mbajtja e aktiviteteve që kanë për qëllim sensibilizim e qytetarëve lidhur me rolin, funksionin dhe rritjen e besimit të publikut në institucionin e Prokurorit të Shtetit dhe çështje tjera më rëndësi nga fusha e drejtësisë penale.

U.D. Kryeprokurori i Shtetit ka shprehur gatishmërinë e tij që të bashkëpunojë me organizatën YIHR dhe të gjitha organizatat tjera të shoqërisë civile të cilat ndihmojnë në avancimin e sundimit të ligjit. /2LONLINE/