U.D. Drejtori i përgjithshëm i Policisë pret në takim një delegacion nga UNDP-ja

U.D. Drejtori i përgjithshëm i Policisë së Kosovës (PK-së)  Naim Rexha, sot ka pritur në takim zyrtar një delegacion nga UNDP-ja, të prirë nga znj. Alessandra Roccasalvo Zëvendëse Përfaqësuese e Përhershme e UNDP-së në Kosovë.

Në takimin i cili u realizua në ambientet e Drejtorisë së Përgjithshme të PK-së, z. Naim Rexha fillimisht falënderoi znj. Alessandra Roccasalvo për vizitën e saj, dhe njëkohësisht e cilësoi takimin si mjaft të rëndësishëm dhe të mirëpritur nga Policia e Kosovës.

U.D. Drejtori Rexha njoftoi të pranishmit mbi angazhimet, aktivitetet dhe objektivat strategjike të Policisë së Kosovës, në përmbushjen e detyrave dhe obligimeve të saja ligjore në të mirë të sigurisë dhe rendit në Republikën e Kosovës.

Njëkohësisht z.Rexha çmoi lartë angazhimin dhe bashkëpunimin e vazhdueshëm të UNDP-së në përgjithësi, e me theks të veçantë për ofrimin e ndihmës rreth projektit të shkatërrimit të armëve të vogla.

Po ashtu ne takim u diskutua edhe rreth forcimit të bashkëpunimit të mëtejmë, me ç’rast znj. Alessandra Roccasalvo e ritheksoj se UNDP-ja do të vazhdojë përkrahjen dhe mbështetjen edhe në të ardhmen për Policinë e Kosovës