Turp në Vushtrri, lot, racizëm, dhunë dhe 3 pikë për Gjilanin

Ndeshja hapëse e javës së 20-të në futbollin e Kosovës i ka takuar Gjilanit në përballjen me Vushtrrinë. Egzon Shabani e ka shënuar golin e vetëm në këtë përballje në minutën e 65-të. Por ndeshja nuk ishte aspak e qetë. Tifozët vendas të pakënaqur me skuadrën e tyre dhe gjykimin e ndeshjes u futën në fushë në fundin e ndeshjes për të ndërprerë lojën për disa minuta.
Vushtrria luajti me dy futbollistë më pak në fundin e ndeshjes pas dy përjashtimeve që ndodhën në lojë.

Por e keqja më e madhe e ndeshjes ndodhi me afrikanin e Gjilanit, Sackay që ishte objektiv i fyerjeve raciste nga publiku vendas.

Për më shumë, publiku vushtrrias e fyeu rëndë edhe futbollistin vushtrrias, Bahri Kera që luan për Gjilanin duke e detyruar të lë fushën me lot në sy./Indeksonline/

http://indeksonline.net/sport/2639/turp-ne-vushtrri-lot-racizem-dhune-dhe-3-pike-per-gjilanin/