Turnir në volejboll për nder të 26-vjetorit të Shërbimit Korrektues të Kosovës  – Qendra e Paraburgimit në Gjilan zë vendin e tretë

Në kuadër të aktiviteteve sportive që po organizohen për shënimin e 26-vjetorit të themelimit të Shërbimit Korrektues të Kosovës, në Qendrën Korrektuese të Lipjanit u zhvillua turnir në volejboll, ku morën pjesë zyrtarë nga disa institucione korrektuese.

Në këtë aktivitet sportiv morën pjesë ekipet përfaqësuese nga Qendra e Paraburgimit në Prishtinë, Qendra e Paraburgimit në Gjilan, Qendra Korrektuese e Dubravës, Njësia e Transportit, Qendra Korrektuese për Femra dhe Qendra Korrektuese për të Mitur.

Pas ndeshjeve të zhvilluara me garë të fortë dhe lojë fer, rezultatet përfundimtare ishin këto:

Vendi i parë – Qendra Korrektuese e Lipjanit;
Vendi i dytë – Qendra Korrektuese e Dubravës;
Vendi i tretë – Qendra e Paraburgimit në Gjilan.

Tashmë është bërë traditë që, me rastin e çdo përvjetori të themelimit të Shërbimit Korrektues të Kosovës, të organizohen aktivitete dhe gara të ndryshme sportive, me qëllim forcimin e frymës së bashkëpunimit dhe krijimin e një atmosfere festive ndërmjet institucioneve korrektuese. /2LONLINE/