Tryezë shkencore kushtuar personaliteteve si Rexhep Mala, Nuhi Berisha, Kadri Zeka, Jusuf dhe Bardhosh Gërvalla

Në kuadër të manifestimit “Flaka e Janarit”, Në Kamenicë u mbajt tryeza shkencore, kushtuar personaliteteve të rëndësishme historike si Rexhep Mala, Nuhi Berisha, Kadri Zeka, Jusuf dhe Bardhosh Gërvalla.

Në këtë tryezë kanë marr pjesë Kryetari i Komunës së Kamenicës, Kadri Rahimaj, U.D i Drejtorisë së Kulturës, Rinisë dhe Sportit, Behar Hyseni, Dr.Mentor Hasani, Dr.Sabile Keqmezi-Basha, shkrimtari Sabit Rrustemi, dhe Dr.Sadri Ramabaja, profesori Nexhat Rexha si dhe përfaqësues të tjerë të Klubit Letrar “Nositi”.

Ky aktivitet u shënua me vlera artistike ku mblodhi shumë poetë e shkrimtarë, ndër të cilët Dr.Mentor Hasani, Dr.Sabile Keqmezi-Basha, shkrimtari Sabit Rrustemi, dhe Dr.Sadri Ramabaja, kanë paraqitur kumtesat e tyre, në shenjë mirënjohje e falënderimi për personalitetet historike.

Për nder të heronjve, kjo tryezë u organizua nga Klubi Letrar ‘’Nositi’’ në bashkëpunim me Drejtorinë për Kulturë, Rini dhe Sport.  /2LONLINE/