Trusti: ka filluar shpërndarja e pasqyrave vjetore për vitin 2025

Fondi i Kursimeve Pensionale i Kosovës (FKPK) ka njoftuar se ka filluar shpërndarja e pasqyrave vjetore për vitin 2025 për të gjithë kontribuuesit.

“I njoftojmë të gjithë kontribuuesit se ka filluar shpërndarja e pasqyrave vjetore për vitin 2025. Për të gjithë ata kontribuues që FKPK-ja ka adresa emaili, tashmë ka filluar dërgimi i tyre. Ndërsa, ditëve në vijim do të fillojë shpërndarja e pasqyrave me postë”, thuhet në njofitm.

Sipas Trustit., për këtë vit numri i pasqyrave që po shpërndahen me email është 455,692, ndërsa me postë do të dërgohen 167,177 pasqyra vjetore.

“Ua rikujtojmë kontribuuesve se mënyra më e mirë e informimit për kursimet pensionale në FKPK, në baza ditore dhe përmes internetit, është duke u regjistruar në portalin eTrusti në: online.trusti.org. Gjithashtu, pasqyra e llogarisë mund të shkarkohet edhe nga eKosova tek pjesa “Kontributet dhe pensioni”, thuhet në njoftim.  /2LONLINE/