Treni në Preshevë godet një refugjate nga Siria

Treni e ka goditur shtetasen e Sirisë në afërsi të fshatit Miratoc, në Preshevë. Nga kjo goditje refugjatja ka pësuar thyerje të disa brinjëve. Me ndihmën e shpejtë pacientja është dërguar në Qendrën Shëndetësore në Vranjë, nga është transportuar në në Qendrën Klinike në Nish.

Kjo grua ka marrë lëndime në disa brinjë në pjesën e djathë , kurse pas diagnostifikimit të plotë është dërguar për në Nish, ka thënë zëdhënësja e Qendrës Shëndetësore në Vranë, Beba Kanacki, raporton Titulli.com.

Ajo ka kumtuar se për kujdesin shëndetësorë të gruas nga Siria janë kujdesur mjekët nga Shtëpia e Shëndetit në Preshevë dhe Vranjë.

Zëdhënësi i policisë së Vranjës Goran Jovciq ka deklaruar se treni e ka goditur refugjaten mbrëmë rreth orës 23:40 minuta, në afërsi të Miratocës.

Në këtë fshat kufitar gjendet edhe kampi për strehim të përkohshëm të refugjatëve nga vendet e Lindjes së Mesme.