Tre nxënës gjilanas në finalen e leximit artistik

/2L ONLINE/ – Për, Drejtorinë Komunale të Arsimit në Gjilan, nxënësit e shkollave të komunës në vazhdimësi po tregojnë suksese dhe se, siç kanë bërë të ditur zyrtarë të kësaj drejtorie, në garën mbarë shtetërore për lexim artistik me rastin e Ditës Botërore të Librit morën pjesë edhe nxënësit e shkollave të Komunës së Gjilanit.

Gresa Salihu, Shkolla Fillore e Mesme e Ulët “’Thimi Mitko”, Hamide Veseli, Shkolla Fillore e Mesme e Ulët” Abaz Ajeti” dhe Altina Demati , Shkolla Fillore e Mesme e Ulët, “Zija Shemsiu”, këto nxënëse, me sukseset e tyre arritën në finalen e kësaj gare që do të mbahet të shtunën, më 23.04.2016. në teatrin “DODONA” në orën 14.30.

Drejtoria e Arsimit i përgëzon këto nxënëse të shkëlqyeshme dhe ju uron sukses e fitore në garën finale. /2L ONLINE/