Tre lojtarë të Dritës pjesë e kombëtares

Klubi i Volejbollit Drita ka bërë me dije se tre lojtarët e saj, Engjëll Dalipi, Kejsan Mavriqi dhe Mal Devaja janë ftuar dhe janë pjesë e Kombëtares së Kosovës U18.

“Me krenari të madhe njoftojmë se talentët tanë, Engjëll Dalipi, Kejsan Mavriqi dhe Mal Devaja janë ftuar dhe janë pjesë e Kombëtares së Kosovës U18. Ky është një vlerësim i merituar për punën, përkushtimin dhe sakrificën e tyre të vazhdueshme, por njëkohësisht edhe dëshmi e punës së palodhshme që po bëhet nga KV Drita Meshkujt me gjeneratat e reja”, thuhet në njoftimin e KV Drita.

Drejtuesit e skuadre “bardh e kaltër”, janë shprehur se janë jashtëzakonisht krenarë që tre volejbollistë të klubit Drita do të përfaqësojnë ngjyrat e Kosovës në arenën ndërkombëtare. Kjo arritje tregon se e ardhmja e volejbollit kosovar është në duar të sigurta dhe se KV Drita vazhdon të jetë një vatër e zhvillimit të talentëve të rinj.

“I urojmë Engjëllit, Kejsanit dhe Malit shumë suksese me fanellën Dardane. Vazhdoni të na bëni krenarë. KV Drita Meshkujt – aty ku talenti zhvillohet dhe ëndrrat bëhen realitet”, thuhet në njoftimin e KV Drita.   /2LONLINE/