Trajnohen fermerët e lëmisë së perimekulturës në komunën e Vitisë
U mbajt trajnimi me fermerët e perimekulturës në fshatin Trestenik te fermeri Rasim Halili, kultivues i perimeve né serra për kultivimin e sallatës së gjelbër në serra, teknikat e ujitjes dhe plehërimi.
Në kuadër të Projektit “Zhvillimi i Zonave Rurale përmes Avancimit të Shërbimeve Këshillimore” i Ministrisë së Bujqësisë, Pylltarisë dhe Zhvillimit Rural, dhe Drejtorisë së Bujqësisë e që implementohet nga organizata KDC, ka mbajtur një trajnim për fermerët e lëmisë së perimekulturës të komunës së Vitisë. Tema e trajnimit ishte “Kultivimi i sallatës së gjelbër në serra, teknikat e ujitjes dhe plehërimi”.
Trajnimi ka pasur një interes të kënaqshëm nga ana e fermerëve, të cilët kanë marrë informacione të vlefshme për këtë veprimtari.
Trajnimi është mbajtur nga Viola Xhemajli Inxhiniere e Bujqësisë dhe këshilltare private e licencuar, e cila ka ofruar njohuri dhe këshilla të vlefshme për fermerët e kësaj lëmie.
Foto dhe lajmi GLV- Vitia dhe DBZHR