Trajnohen anëtarët e Kuvendit Komunal mbi rolin dhe detyrat e Kuvendarëve 

Organizata Jo-qeveritare Dardanapress, në kuadër te projektit “Ngritja e transparencës Komunale dhe pjesëmarrja e qytetarëve  në vendimmarrje””, ka mbajtur  trajnimin një-ditor ,mbi rolin dhe detyrat e Anëtarëve të Kuvendit Komunal.

Qëllimi i organizimit të trajnimit njëditor me Anëtarët e Kuvendit Komunal të Kamenicës është përfitimi i njohurive dhe dijeve praktike për rolin  dhe detyrat e Anëtarëve të Kuvendit  Komunal në vendimmarrje komunale, Legjislacioni në fuqi,Ligji i Vetëqeverisjes Lokale si dhe përfaqësim të interesave të qytetarëve në proceset vendimmarrëse, njoftimi me kornizat ligjore dhe rregulloret e kuvendit komunal. 

Si temë e veçantë e diskutimit ndërmjet akterëve lokal kyç, ne trajnimin e organizuar me përfshirjen e Këshilltarëve Komunal ,Grupeve të Margjinalizuara, Organizatave të Shoqërisë Civile, Medieve Lokale për te parë se cilat janë kërkesat e qytetarëve karshi adresimeve në seancat  e kuvendit komunal si dhe diskutimet se ku qëndron problemi i pjesëmarrjes se vogël të qytetarëve në vendimmarrje.

Si rekomandim kryesor i dal nga trajnimi  është rritja e nivelit të përformancës të Anëtarëve të Kuvendit Komunal   lidhur me proceset vendimmarrëse ne nivel komunal përmes ngritjes se kapaciteteve te ofruara gjatë trajnimit si dhe përfaqësimi sa me dinjitoz i nevojave dhe kërkesave të qytetarëve.

Ne këtë trajnim përveç Kryesuesit të Kuvendit Lirodon Kastrati, Këshilltarëve Komunal kanë marrë pjesë edhe ,Anëtarët e Handikosit, Zyra e Komuniteteve,Grupi Joformal i Grave, Shoqëria Civile, Media Lokale.

Ky projekt është financuar  nga programi i KCSF-së për mbështetje të shoqërisë civile “EJA Kosovë “,bashkë financuar nga Agjencia Zvicerane për Zhvillim dhe Bashkëpunim (SDC) Suedia dhe Qeveria e Dukatit të Madh te Luksemburgut /2LONLINE/