Trajnim për Menaxhimin e KRU-ve bazuar në Rezultate (MBR)

Në datat 8 dhe 9 tetor 2025, SHUKOS organizoi trajnimin me temë “Menaxhimi i KRU-ve bazuar në rezultate – MBR”, i mbajtur në Hotel Garden, Prishtinë.

Trajnimi u zhvillua në dy grupe dhe kishte për qëllim avancimin e menaxherëve të mesëm nga 7 kompanitë rajonale të ujësjellësit në Kosovë, si dhe pjesëmarrës nga Ndërmarrja Hidroekonomike “Ibër Lepenc”, në zbatimin praktik të metodologjisë së Menaxhimit të Bazuar në Rezultate (MBR).

Gjatë trajnimit, pjesëmarrësit patën mundësinë të:

Njohin procesin e menaxhimit të punës sipas rezultateve;

Aftësohen për hapat e funksionalizimit të sistemit të MBR-së;

Diskutojnë kapacitetet mbështetëse që ndihmojnë në zbatimin e këtij sistemi.

Ky aktivitet kontribuon drejtpërdrejt në forcimin e kapaciteteve menaxheriale dhe përmirësimin e performancës së ndërmarrjeve të ujësjellësit në Kosovë dhe NH “Ibër Lepenc”. /2LONLINE/