Trajnim mbi procesin e aplikimit për Grante

/2L ONLINE/ – Drejtoria për Ekonomi, Zhvillim dhe Diasporë në Kamenicë, i ka ftuar të gjitha bizneset e vogla dhe të mesme si dhe personat që janë te interesuar për hapjen e bizneseve te reja që të merrni pjesë në trajnimin lidhur me procesin e aplikimit për Grante për Biznese që do të mbahet më: 11 Shkurt 2016 (e Enjte), ora 13:00, në Shtëpinë e Kulturës “ Isa Kastrati”,salla e kuvendit.

Gjatë këtij takimi do të trajnohen nga stafi i AZHR – Lindje se cilat janë procedurat që duhet ti ndiqni gjatë aplikimit për Grantet e financuara nga BE-ja nëpermjet Asociacionit të Agjencive për Zhvillim Rajonal ( ARDA ).
Asociacioni i Agjencive për Zhvillim Rajonal (ARDA) ka lansuar Skemën e Grandeve për Zhvillimin e Sektorit Privat të financuar nga BE, e cila ka për synim t’i ofrojë mbështetje ndërmarrjeve ekonomikisht të qëndrueshme dhe krijimit e vendeve të reja të punës, si dhe të ofrojë mbështetje financiare në themelimin e ndërmarrjeve të reja private apo zgjerimin e ndërmarrjeve të vogla ekzistuese. /2L ONLINE/