Trajnim i përbashkët mbi hetimin e krimit

Në kuadër të nënshkrimit të marrëveshjes së bashkëpunimit mes Agjencisë së Mbikëqyrjes Policore dhe Akademia e Sigurisë, ka nisur trajnimi mbi “Hetimin e Krimit”, i cili ka në fokus standardizimin e procedurave hetimore, teknikat e intervistimit, mbledhjen e provave dhe të menduarit analitik.

Me mbështetjen e partnerëve amerikanë nëpërmjet programit #ICITAP, në këtë trajnim të pestë që do të zhvillohet në ambientet e Akademisë së Sigurisë, do të marrin pjesë 22 punonjës së AMP-së, dhe për herë të parë do të bashkohen edhe 4 punonjës së Inspektorati Policor i Kosovës

Drejtori i Përgjithshëm i AMP-së, z. Eduart Merkaj dhe Kryeshefi Ekzekutiv i IPK-së, z. Kushtrim Hodaj, falënderuan përfaqësuesit e ICITAP për mbështetjen e vazhdueshme dhe theksuan domosdoshmërinë për vijimin e trajnimeve të përbashkëta, me qëllim shkëmbimin e praktikave më të mira dhe krijimin e metodave të unifikuara në fushën e hetimit.

Që nga nisja e këtij cikli trajnimesh në vitin 2024 janë trajnuar gjithsej 65 punonjës.  /2LONLINE/