Trajneri i Kosovës: Januzaj bëri zgjedhjen e duhur

Trajneri i i Kosovës, Albert Bunjaku ka folur në lidhje më “çështjen” Januzaj. Ai është shprehur i kënaqur me zgjedhjen që ka bërë talanti i Man United, madje duke e uruar për këtë zgjedhje.

“Unë mund të flas vetëm në aspektin sportiv, dhe mendoj është vendim i pritur i tij. Ndoshta është vendimi më i mirë, kur merret parasysh se bëhet fjalë për një 18-vjeçar që është në një shpërthim të karrierës së tij në një klub mjaft të mirë”, -u shpreh Bunjaku.
Deri në këtë moment, kanë qenë 7-8 kombëtare që kanë qenë pas tij, duke i dhënë një zgjidhje të vështirë. Tani është vetëm një kombëtare, Belgjika, dhe në momentin e pranimit të Kosovës do të jenë dy shtete që ai mund të zgjedh”.

Rasti i Kosovës është pak më unik, pasi ne nuk e kemi përngut si të tjerët, ngase zgjedhja që e bën atë për Belgjikën e heq prej sistemi të gjitha vendet tjera të interesuara. Në anën tjetër, pas pranimit të Kosovës, Adnani e ka mundësinë për të zgjedhur edhe njëherë”. – mbylli deklaratën e tij Bunjaku