Tragjike: Ka vdekur ish anëtarja e Kuvendit dhe ish gazetarja gjilanase Arzie Nuhiu

Lajm i rëndë. Siç njofton Policia e Gjilanit, në orët e hershme të mëngjesit të sotëm është gjetur pa shenja jete një femër në Gjilan.

Bëhet fjalë për ish gazetaren e Radio Gjilanit dhe ish anëtaren e Kuvendit Komunal të Gjilanit, Arzie Nuhiu.

Ajo dha kontribut të çmuar edhe në gazetari edhe në skenën politike të Gjilanit. Vdekja e saj është humbja e madhe jo vetëm për familjen, por edhe për Komunën e Gjilanit dhe vendin.

Vdekja e saj në rrethana tragjike është dhimbje për të gjithë ne.

Raporti i policisë

“Vdekje e dyshimtë”

Sot me 21 korrik 21 rreth  orës 03:50 të mëngjesit, Policia e Kosovës në Gjilan  ka pranuar  informatën se në rrugën “Raif Halimi “, në pjesën e pasme të njërës nga  ndërtesat në këtë rrugë është vërejt një trup i personit të gjinisë femërore.

Njësitet policore nga stacioni policor i Gjilanit me urgjencë kanë dalë në vendin e ngjarjes. Më pas nga familjarët është identifikuar se bëhet fjalë për A. N. (1977) femër shtetase e Kosovës, që ishte duke banuar në katin e pestë të ndërtesës në këtë rrugë.

Dyshimet fillestare janë se e njëjta ka rënë nga ballkoni i banesës së saj ku ishte duke jetuar.

Në  vendngjarje   ka  prezantuar  shërbimi  Emergjent (ndihma e parë ) ku nga  mjeku  kujdestar i  kësaj  njësie  është   konstatuar  vdekja .

Në vendngjarje ka prezantuar prokurori i shtetit për  “Krime  të Rënda”, njësitet  e  hetimeve dhe forenzikës rajonale  Prokurorin i shtetit ka urdhëruar që trupi  i pa jetë  dërgohet në Institutin e Mjekësisë Ligjore –  Prishtinë.

Rrethanat dhe motivet se si ka ndodhë ky rast i rëndë ende nuk dihen. Rasti për momentin është cilësuar si “Vdekje e dyshimtë” dhe hetimet e mëtejme ja në duke i udhëheq Policia e Kosovës njësitet e hetimeve Rajonale në koordinim me Prokurorin e shtetit. /2LONLINE.com/