Tottenham, 25 milionë për Shaqirin

Klubi anglez, Tottenham duket se është i vendosur që tëblejë mesfushorin e Bayern Munich, Xherdan Shaqirin. Reprezentuesi shqiptar i Zvicrës gjatë dimrit pritet të largohet nga ‘bavarezët’ për shkak se ai nuk po gjen hapësirë të duhur në skuadrën e Pep Guardiolas.

Janë disa klube të mëdha evropiane që e kërkojnë ish yllin e Baselit, e njëra ndër to është edhe Tottenham.

“Fichajes.net”, shkruan se klubi anglez është i gatshëm t’i ofrojë 25 milionë euro Bayern Munichut për mesfushorin kosovar, Xherdan Shaqiri.

Menaxheri i londinezëve, Mauricio Pochettino, është në kërkim të një lojtari që luan në sulm, derisa reprezentuesi zviceran është i përkryer për këtë pozitë.

‘Spurs’ do të provojnë që në afatin e janarit të transferojnë mesfushorin shqiptar.