Todosijeviq ka konsumuar vepër penaleFadil Kajtazi

Todosijeviq ka konsumuar vepër penale

Nëse Aleksander Lumezit i ka mbetur pak ndërgjegje, ai duhet te reflektoi, duhet ta arrestojë Todosijeviqin. Se paku nga shkaku se Lumezi është prokuror vetëm nga shkaku se themel i shtetësisë të Kosovës dhe prokurorisë ku ai është kryeprokuror, është gjaku i të rënëve në Reçak.

Nga:Fadil Kajtazi

Deklarata e Todosieviqit është shkelje flagrante e Kodit Penal të Kosovës, më saktë, Neni 147 Nxitja e urrejtjes, përçarjes ose mosdurimit kombëtar, racor, fetar apo etnik, i cili ne piken 1 saktëson se: “Kushdo që nxit ose përhap publikisht urrejtje, përçarje ose mosdurim midis grupeve kombëtare, racore, fetare, etnike apo grupe tjera të tilla që jetojnë në Republikës e Kosovë, në mënyrën e cila mund të prishë rendin publik, dënohet me gjobë ose me burgim deri në pesë (5) vjet.

Deklarata e Todosieviqit, i veshur me petkun e ministrit të Qeverisë se Republikës së Kosovës është tipike në frymën e përhapjes së urrejtjes ndëretnike, si dhe fyerje për viktimat e pafajshme të masakruara në Reçak.

Gjithashtu, ky ministër ka konsumuar edhe një vepër penale tjetër, ku me këtë rast ka deformuar emrin kushtetues të Republikës së Kosovës duke i dhënë atij atribut të emrit me të cilin e emërton shteti armiqësor Serbia.

Nuk ma merr mendja se Aleksandër Lumezi dhe Hashim Thaçi kanë zemër dhe ndërgjegje për t’i dalë në krahë të masakruarve në Reçak!

Ky artikull nuk pasqyron qëndrim editorial të redaksisë! Për më tepër, ju lutem lexoni kushtet e përdorimit.

KOMENTE