“Ti gabove” baladë e radhës nga Naser Beqiri

Është njëri ndër këngëtarët e pëlqyer të këngës popullore. Këngët e bukura dhuruar publikut prej vitesh, kanë bërë që gjilanasi Naser Beqiri të pëlqehet nga të gjitha gjeneratat.

Ai kësaj radhe vjen me një baladë të cilën e ka lansuar para pak ditësh, këngë që titullohet – “Ti gabove”. Për tekstin dhe muzikën e kësaj kënge është përkujdesur vet ai, është realizuar në studion me maestrot e muzikës, kitaristin e njohur Astrit Stafain dhe klarinetistin Mustafë Bajramin, në studion Flow Music. Ndërsa, për videoklip është përkujdesur Seventyseven.

Naser Beqiri, është ngushtë i lidhur me këtë profesion, pasi që është edhe arsimtar i muzikës prej vitesh. Këngëtari gjilanas numëron edhe shumë këngë të tjera, po aq të pëlqyera nga publiku, siç janë edhe: Sonte jam i vetëm, Për ty, Agim Ramadani…, të cilat janë të realizuara me videoklip.

Rikujtojmë, se Naser Beqiri është shumë i angazhuar gjatë sezonës së verës, pasi që kërkohet nëpër dasma dhe ahengje familjare. Ai për Portalin 2LONLINE tregon se së shpejti do ta publikojë edhe një tjetër këngë, e cila thotë se do të jetë befasi për publikun.

VIDEO:  “Ti gabove”