Thaçi priti ambasadorin e ri hungarez në Kosovë

Zëvendëskryeministri i parë dhe ministri i Punëve të Jashtme të Republikës së Kosovës, Hashim Thaçi, priti sot Shkëlqesinë e Tij ambasadorin e ri të Hungarisë në Kosovë, Laszlo Markusz.

Thaçi i uroi mirëseardhje Markusz, në Kosovë.

Zëvendëskryeministri Thaçi dhe ambasadori Markusz biseduan për bashkëpunimin e mirë bilateral politik, e veçanërisht atë parlamentar.

Ata u pajtuan se duhet të punohet në avancimin e marrëdhënieve mes dy vendeve dhe që bashkëpunimi i tyre të shtrihet edhe në segmente të tjera, me theks të posaçëm në aspektin ekonomik.