Thaçi nisë takimet në selinë e Kishës Katolike

Zëvendëskryeministri i parë, Hashim Thaçi, njëherësh ministër i Jashtëm i Republikës së Kosovës, sot po qëndron në Vatikan, ku do të takojë kardinalë të Selisë së Shenjtë.

Zëvendëskryeministri Thaçi sot do të takojë Presidentin e Këshillit Papnor të Selisë së Shenjtë për Familjen dhe Kryeipeshkvin emeritus të dioqezës ”Terni-Narni-Amelia” në Itali, monsinjor Vincenzo Paglia.

Më tej, zëvendëskryeministri Thaçi do të takojë edhe Sekretarin për Marrëdhënie me Shtetet në Selinë e Shenjtë, Paul Gallagher, dhe pas tij edhe prelatin katolik dhe kardinalin që shërben aktualisht si President i Komisionit Papnor të Vatikanit, që njëherësh është edhe kryetar i Guvernorates së Vatikanit, Giuseppe Bertello.