Thaçi në përvjetorin e 100 të betejës së Çanakalasë

Hashim Thaçi e ka pasur vendin e rezervuar te Presidenti i Turqisë, Rexhep Taip Erdogan, në përvjetorin e 100 të betejës së Çanakalasë.

Lexojeni njoftimin e plotë:

Liderë nga e mbarë bota u bëmë bashkë dje për të kujtuar ditën kur ka filluar një nga betejat më të përgjakshme të Luftës së Parë Botërore, betejën e Galipolli-t apo Çanakkale-së. Prezentë ishin princa, presidentë dhe kryeministra të shumë shteteve që para një shekulli luftuan njëri tjetrin, por tani u bënë bashkë të përulën para eshtrave të ushtarëve të tyre, tani në paqe me njëri tjetrin.

Tmerret e luftës duhet të jenë motiv për liderët botërorë që të bëjnë çdo gjë që të forcojnë paqen, komunikimin dhe bashkëpunimin mes popujve dhe shteteve.

Ne, kosovarët e dimë këtë shumë mirë prandaj edhe mbesim të përkushtuar që luftë të mos ketë më kurrë. HTH