Thaçi: Momenti i fundit për krijimin e institucioneve

Kryetari i Partisë Demokratike të Kosovës (PDK), Hashim Thaçi, ka deklaruar se është i gatshëm që të bisedojë me të gjitha partitë, si mënyrë që të dilet nga situata aktuale politike në vend.

Pas një mbledhje të Kryesisë së PDK-së, Thaçi ka shprehur shqetësimin, duke thënë se është momenti i fundit që të arrihet një ujdi në mes të spektrit politik, për gjetjen e një zgjidhje.

“Është koha e fundit që të ulemi dhe të bisedojmë i gjithë spektri politik, për të gjetur mënyrën për formimin e institucioneve të vendit, gjithmonë duke respektuar vullnetin e qytetarëve dhe vendimin e Gjykatës Kushtetuese. Jam i gatshëm që të bisedojë metë gjitha partitë e krahut të djathtë”, theksoi Thaçi.