Thaçi: Kosova tashmë kufizohet me dy shtete të NATO-s

Zëvendës kryeministri i Kosovës dhe ministri i Jashtëm, Hashim Thaçi, ka uruar Malin e Zi për ftesën e bërë për anëtarësim në NATO.

“Ky është një zhvillim që forcon sigurinë e tërë Ballkanit, përfshi Kosovën. Kosova tashmë kufizohet me dy shtete të NATO-s, ndërsa shumë shpejt edhe Kosova do të filloë rrugëtimin formal në integrimet Euro-Atlantike. Rrugë tjetër dhe opsion tjetër nuk kemi pos boshtit Washington dhe Bruksel”, ka shkruar Thaçi, në Facebook.