Thaçi: Javën e ardhshme procedohet dhe votohet Specialja

Zëvendëskryeministri i Kosovës, Hashim Thaçi ka thënë se javën e ardhshme do të procedohet dhe votohet për themelimin e Gjykatës Speciale.

Thaçi mbledhjen e grupit parlamentar e ka quajtur si diçka të zakonshme, por sipas tij, është dakorduar edhe për votimin e Gjykatës Speciale. Ai ka thënë se Gjykata Speciale është për të mirën e vendit shoqërisë.

“Ishe një mbledhje e rregullt e zakonshme, për seancën e së nesërme, sa i përket amendamenteve për Gjykatën Speciale dëshiroj të theksoj se ishte rekomandim që gjatë javës së ardhshme të procedohet dhe të votohet. Kjo është në interesin e politikës së Kosovës dhe në interesin e kuvendit dhe gjithë shoqërisë kosovare, dhe interesit të perspektivës euro atlantike dhe në vazhdimësisë së ndërtimit të partneritetit më BE-në dhe SHBA-të”, ka thënë Thaçi, raporton Indeksonline.

Thaçi këto komente i ka bërë pas mbledhjes së grupit parlamentar të PDK-së në Kuvendin e Kosovës.
http://www.indeksonline.net/?FaqeID=2&LajmID=174786