Thaçi i uron sukses Xhakës në Botëror, uron edhe Seferin

Kryeministri i Kosovës në largim, Hashim Thaçi sot ka pritur në një takim futbollistin e Kombëtares së Zvicrës, njëhërit të Borussia Monchenfladbach, Granit Xhakën.Thaçi i ka dëshiruar sukses Xhakës në Kupën e Botës ‘Brazili 2014’, derisa ka falënderuar mesfushorin prishtinas pas ndihmën që po jep për shkollat dhe klubet e Kosovës.

“Takim i përzemërt me Granit Xhakën. I dëshirova sukses në kampionatin botëror në Brazil dhe e falënderova për ndihmën që po jep për shkollat dhe klubet kosovare si dhe për ndërkombëtarizimin e futbollit tonë”, ka shkruar Thaçi në profilin e tij zyrtar në rrjetin social, Facebook. Ai ka prezantuar një foto ‘selfie’.

Ndërkohë, kryeministri ka uruar boksierin, Nuri Seferin i cili i cili rifitoi titullin e peshës cruiser në boksin profesionist duke prekur majat e Evropës.

“Fokusi këto ditë është në politikë ditore, por mos të harrojmë – urime Nuri Seferit fitoren sonte për fitoren WBO Europa!”, ka shkruar Thaçi.