Tetori Rozë: Në Kamenicë do të organizohet Marshimi Solidarizues me moton: “Kontrollohu, për veten, për jetën!”
Drejtoria për Shëndetësi dhe Mirëqenie Sociale e Komunës së Kamenicës, në bashkëpunim me Zyrën e Kryetarit të Komunës dhe Qendrën Kryesore të Mjekësisë Familjare “Dr. Shaban Geçi”, organizon sot, më 5 tetor 2026, një aktivitet ndërgjegjësues në kuadër të Muajit të Ndërgjegjësimit për Kancerin e Gjirit.
Në shenjë solidariteti dhe përçimit të mesazhit të rëndësishëm për kujdesin ndaj shëndetit, do të organizohet Marshimi Solidarizues me moton: “Kontrollohu, për veten, për jetën!”
Siç bëhet e ditur, nisja do të bëhet nga objekti i Komunës së Kamenicës (ora 12:00) dhe destinacioni do të jetë Sheshi “Metush Krasniqi”
“Ftojmë të gjithë qytetarët që t’i bashkohen këtij aktiviteti dhe së bashku të përcjellim mesazhin e ndërgjegjësimit, parandalimit dhe kujdesit për shëndetin”, thuhet në njoftimin e organizatorit. /2LONLINE/