Tetori Rozë – muaji i ndërgjegjësimit për kancerin e gjirit

“Sot, në SHFMU “Dëshmorët e Kombit” në Livoç të Ulët të Gjilanit, është mbajtur ligjëratë edukative dhe ndërgjegjësuese në kuadër të fushatës “Tetori Rozë”> bëhet e ditur nga Qendra Kryesore e Mjekësisë Familjare (QKMF) në Gjilan.

Sipas drejtuesve të QKMF-së, ligjërata kishte për qëllim sensibilizimin e nxënësve dhe mësimdhënësve për rëndësinë e kujdesit ndaj shëndetit, informimit dhe zbulimit të hershëm të kancerit të gjirit.

Aktiviteti u realizua nga Dr. Elvan Klaiqi – Koordinatore e Edukimit Shëndetësor, dhe infermierja Mimoza Hajdari, në kuadër të aktiviteteve të edukimit dhe promovimit shëndetësor.

Ndërgjegjësimi dhe zbulimi i hershëm shpëtojnë jetë!  /2LONLINE/