Testi parasezonal: Miqësorja ndaj skuadrës Trepça ’89, i takoi Gjilanit

SC Gjilani me sukses e kaloi testin e parë parasezonal, shënoi fitore me rikthim përballë Trepçës ’89 në “Riza Lushta” të Mitrovicës, në një miqësore që e zhvilluan këto dy skuadra.

Drejtuesit e klubit thanë se në këtë takim debutuan edhe të gjithë ardhjet e reja në klub.

“Të gjithë futbollistët e ardhur në këtë afat kalimtar kanë zhvilluar minutat e para me fanellën kuq & bardh, teksa Mevlan Zeka shkëlqeu me dy gola. Gol realizoi edhe Elton Isufi, futbollistin e dalë nga akademia e klubit, i cili gjen rrjetën për herë të parë që nga koha kur u bashkua me grupin. Për tu veçuar edhe paraqitja e Oltion Bilallit, i cili regjistron tre asistime për bashkëlojtarët e tij në këtë sfidë”, thuhet në njoftimi ne kësaj skuadre.

Të dhënat

KF Trepça ’89 – SC Gjilani 2-3 (1-0)

Stadiumi “Riza Lushta” në Mitrovicë
Golashënues për gjilanasit: Mevlan Zeka (x2), Elton Isufi

Të ndëshkuar: Ermal Sadiku

Përbërja eskuadrës gjilanase: Coric (45′ Matoshi), Thaqi C (45′ Klaiqi), Limani (45′ Sylaj), Jashari (45′ Ramadani), Krivanjeva (45′ Potoku), Ibrahimi (45′ Hasani), Boshnjaku (45′ Bllaca), Namani (45′ Sadiku), Rrahmani (40′ Bilalli), Morina (45′ Isufi), Tolaj (45′ Zeka)  

Trajner: Debatik Curri.