Teren sportiv për Lagjen “Malësia”

/2L ONLINE/ – Të martën më 10 maj, projekti DEMOS ka nënshkruar kontratë me Komunën e Kamenicës për shfrytëzimin e fondit të fituar nga Skema e granteve për vitin 2016. Shuma e përgjithshme e granteve të pranuara nga komuna e Kamenicës është 11.989.05 euro, të cilat kjo komunë do ti investojë në ndërtimin e terrenit rekreativ në lagjen ‘Malësia’ në Kamenicë.

Kryetari i Kamenicës Begzad Sinani me këtë rast ka thënë se po përmbushet edhe një premtim i dhënë i cili do të përmirësojë kushtet e infrastrukturës në komunë. “Pas ndërtimit të shkollës në lagjen Malësia në vitin 2009, mungesa e terenit sportiv ka qenë mjaft e madhe dhe fatkeqësisht nuk ishte në agjendën e qeverisjes komunale në mandatin paraprak. Sot ne finalizuam një marrveshje me Projektin DEMOS me anë të së cilës do të bashkëfinancojmë ndërtimin e terenit sportiv. Ky projekt kalon vlerën e 20 mijë eurove ndërsa 12 mijë nga këto janë grant nga HELVETAS, Projekti DEMOS” tha kryetari Sinani. /2L ONLINE/