Tensione para stacionit të policisë

E plotësuar: Policia e Kosovës ka filluar shpërndarjen e protestuesve para hyrjes së stacionit qendër, ku po mbahet Albin Kurti.

Lëvizja Vetëvendosje thotë se policia e Kosovës po përdorë gaz lotsjellës për ti shpërndarë ata. Përmes një njoftimi të LVV-së, thuhet se ka filluar intervenimi brutal i Njësive Speciale të Policisë, ndaj qytetarëve të grumbulluar para stacionit policor, në mbrojtje të Albin Kurtit.

…………………………………………

Tensione para stacionit të policisë

Pas lajmit për arrestimin e Kurtit, shumë aktivistë të Vetëvendosjes dhe të partive tjera opozitare janë mbledhur para stacionit qendër të policisë në Prishtinë
Ku ish lideri i VV-së, po intervistohet nga policia.
Forca të mëdha policore janë vënë në mbrojtje të kësaj godine të stacionit policor Qendra, i njohur si 92-shi i Prishtinës. Nërkohë numri i aktivistëve dhe qytetarëve që po i përgjigjen thirrjes së VV-së për mobilizom është duke u rritur. Mediat raportojnë se protestuesve u janë bashkuar edhe liderët e dy partive opozitare, Visar Ymeri i VV-së dhe Ramush Haradinaj i AAK-së. Raportohet gjithashtu se disa nga protestuesit e mbledhur kanë nisur të sulmojnë dhe thyejnë me gurë e gjësende të tjera kundër portës kryesore dhe xhamave të këtij stacioni policor.

http://www.rtklive.com/?id=2&r=44998