Teatri i Qytetit të Gjilanit ka nderuar aktorët e gjeneratës së vjetër

Teatri i Qytetit të Gjilanit ka nderuar aktorët e gjeneratës së vjetër. Mirënjohje kanë marrë: Sabedin Shahiqi, Jashar Shahiqi, Ramadan Kurti, Naser Zymberi dhe Mejreme Berisha, me motivacionin: Mirënjohje për kontributin jetësor dhe përkushtimin në zhvillimin e Artit dhe Kulturës në Gjilan.

Postimi i plotë i Teatrit të Qytetit

Sot, në një ceremoni të thjeshtë e plot ndjenjë, nderuam aktorët e gjeneratës së vjetër – ata që me përkushtim, sakrificë dhe dashuri e ndërtuan teatrin tonë.

Një moment falënderimi dhe respekti për njerëzit që i dhanë zë, shpirt dhe dinjitet skenës, dhe që me punën e tyre vazhdojnë të jenë themel i kujtesës sonë kulturore. Mirënjohje për kontributin, energjinë dhe trashëgiminë që na lanë dhe na e lënë çdo ditë.

Faleminderit që na mësuat çfarë do të thotë të jetosh për teatrin.

Faleminderit, Sabedin, Jashar, Ramadan, Naser dhe Mejreme!