Teatri i Gjilanit prezanton programin e tij për muajin shkurt

/Teatri i Qytetit – Gjilan /

Programi | Shkurt 2025

Teatri i Gjilanit prezanton programin e tij të pasur për muajin shkurt, duke ofruar një larmi shfaqjesh teatrore dhe artistike për publikun e tij.

Sezoni nis me rikthkimin e shfaqjes / komedisë më të reprizuar aktualisht të teatrit tonë | E VËRTETA të Florian Zeller, një komedi që eksploron që eksploron gënjeshtrat dhe sekretet brenda marrëdhënieve njerëzore, për të mirëpritur shfaqjen mysafire nga Teatri ODA, komedinë e jashtëzakonshme “Shef Lumturimi,” me autor Lirak Çelaj dhe regji të Florent Mehmetit. Komediani nga Shqipëria, aktori Gent Azizi, prezanton “kRAZY Brother,” një stand-up komedi me plot situata fantastike.

Rikthehet, pas pjesëmarrjes në Festivalin e Dramës Shqipe, “Jam Unë Ajo”, një dramë e fuqishme mbi depresionin pas lindjes.

Poashtu, programi përfshin edhe një tjetër kryevepër të Florian Zeller, “Djali,” nën regjinë e Erson Zymberit e cila sjell në skenë një dramë prekëse për marrëdhëniet familjare dhe sfidat emocionale.

Për të vegjlit dhe familjet, në mesditë kthehet “Meri Popins,” një përrallë magjike e Pamela Lyndon Travers.

Muaji mbyllet me super komedinë “Togeri nga Inishmori,” një dramë e Martin McDonagh me regji nga Shkelzen Berisha, që sjell humorin e zi dhe tensionet në një komunitet të izoluar.

Teatri i Gjilanit ju fton të bëheni pjesë e këtij programi të pasur dhe shumëllojshmërisë artistike që sjell çdo natë një përvojë të veçantë teatrore. Mos e humbisni mundësinë për t’u ndier pjesë e artit tonë dhe emocioneve që aktorët sjellin /2LONLINE/