“Teatri Fluturues” vjen sot për të sjellë ngjyra, lojë dhe magji!

“Teatri Fluturues” vjen për të sjellë ngjyra, lojë dhe magji!
Premierë e shfaqjes për fëmijë

Më 12 Nëntor ( E mërkure ) në ora 13:00.
Vendi : Para Teatrit të Qytetit në Gjilan.
Premiera e shfaqjes është Gratis – pa bileta.

Për shfaqjen:
Në një botë që nganjëherë harron të qeshë, katër udhëtarë të veçantë nisen në një aventurë për ta rikthyer buzëqeshjen tek fëmijët — një klaun i trishtuar, një vajzë që ruan ngjyrat në kuti, një kompozitor i tingujve të harruar dhe një zyrtar që zbulon shpirtin e fëmijës brenda vetes.

Ata ndërtojnë një teatër që nuk ka mure, skenë apo bileta — “Teatrin Fluturues”, një teatër mobil që udhëton me furgon nëpër shkolla, parqe, lagje dhe hapësira publike, duke çuar artin aty ku është më i nevojshëm: tek fëmijët.

Kjo shfaqje është një udhëtim poetik që ndërthur lojën, muzikën, lëvizjen dhe imagjinatën për të treguar se arti është një frymë që nuk ndalet kurrë.

Regjia: Erson Zymberi
Luajnë: Safete Mustafa Alban Shahiqi, Gani Rrahmani, Blendi Arifi
Kostumet: Leudita Hyseni
Organizator: Dhurim Ismaili – Dajki
Grafika: Besar Rexhepi
Menaxher i projektit: Ernest Zymberi

Ky projekt realizohet nga ANAMOUR Cultural Organization, mbështetur nga Ministria e Kulturës, Rinisë dhe Sportit të Republikës së Kosovës. /2LONLINE/