Të shtunën nuk do të mbahet tregu i kafshëve në Gjilan

/2L ONLINE/ – Komuna e Gjilanit, përkatësisht Drejtoria e Bujqësisë njofton qyetetarët se me vendim të Agjencionit të ushqimit dhe veterinarisë, Ref: AUV,01-413/16 të datës 24.06.2016, obligohen autoritet komunale që në bashkëpunim me AUV, me qëllim të preventivës nga sëmundja Gungore e Lëkurës te kafshët të ndërmerren këto masa:

Ndalimin e përkohshëm të lëvizjës së kafshëve nga ferma në fermë, përjashtimisht kafshëve të cilat janë të destinuara për therrje u lejohet lëvizja me pëlqimin e veterinarit zyrtar.

Mbyllja dhe ndalimi i funksionimit të tregjeve të kafshëve. Për masat tjera reagimi bëhet nëse paraqitet sëmundja. Kjo sëmundje nuk bartet tek njerëzit por mund të shkaktojë dëme në ekonominë blegtorale.

Drejtoria e Bujqësisë njofton qytetarët të gjithë fermerët se ditën e shtunë nuk do të mbahet tregu i kafshëve në Gjilan. /2L ONLINE/