Të shtunën nis panairi i produkteve vendore

(2LONLINE) – – Nesër më 2 gusht 2014 do të nis panairi regjional i produkteve vendore “Gjilani 2014”, që ka për qëllim promovimin dhe shitjen e produkteve vendore, të cilat ofrohen nga kompanitë e këtij regjioni dhe do të zgjas dy ditë.

Panairi organizohet nga Drejtoria për Zhvillim Ekonomik, në bashkëpunim me Qendrën Regjionale të Marketingut – Lindje, si zyrë ndër komunale për stimulimin e marketingut të produkteve vendore.

Në kuadër të Panairit do të organizohet edhe program i pasur kulturo-artistik dhe rekreativ. Panairi Regjional “Gjilani 2014” do të mbahet prej 1-3 gusht 2014 (nga ora 10:00-19:00), në qendër të qytetit në Gjilan.

Ky panair ka qenë i paraparë të mbahet sot, por shkaku i reshjeve të djeshme është shtyrë për ditën e nesërme.

2gusht 2014

10:00 – 10:05 – Ceremonia e hapjes (Ismail Januzi, drejtori i Zhvillimit Ekonomik)
10:05 – 10:10 – Fjalim rasti, Lutfi Haziri, kryetar i Komunës
10:10 – 10:15 – Fjalim rasti, Kristof Stock, shef i Zyrës së BE-së në Kosovë
10:15 – 10:20 – Vizitë panairit
19:00 – 23:00 – Aktivitete kulturore dhe artistike

3 gusht 2014

09:00 – 19:00 – Hapja e panairit
17:00 – 18:35 – Aktivitete kulturore për fëmijë
19:00 – 23:00 – Aktivitete kulturore dhe artistike