Të shtunën në Gjilan përurohet libri poetik “Trokitje të prushta”
Më 26 Mars 2022, ora 12:00 në Bibliotekën e Qytetit në Gjilan
PËRURIMI I LIBRIT POETIK, “TROKITJE TË PRUSHTA”, TË SHKRIMTARES ALBINA IDRIZI
Asociacioni alternativ i shkrimtarëve të Kosovës me seli në Gjilan, Ars Clubi “Beqir Musliu”, këtë të shtune, më 26 mars 2022, ora 12:00, nis veprimtaritë letrare të pranverës, me përurimin e librit poetik, “Trokitje të prushta” të shkrimtares Albina Idrizi, botuar kohë më parë nga shtëpia botuese “Beqir Musliu” .
Përurimi i librit më të ri të Albina Idrizit, mbahet në Bibliotekën e Qytetit në Gjilan.
Për librin do të flasin, përpos botuesit, edhe redaktori prof. dr. Anton Nikë Berisha si dhe kritikët letrarë, Prend Buzhala e Nexhat Rexha.
Ftojmë dhe mirëpresim krijuesit letrarë e artdashësit nga Gjilani, krahina e Anamoravës si dhe Kosova Lindore e më gjerë. /2LONLINE/