Të shtunën fillon programi i trajnimeve pa pagesë në “Matematikën e Olimpiadave”
Shoqata e Matematikanëve të Gjilanit njofton se nesër, e shtunë, më 24 tetor 2026, fillon programi i trajnimeve pa pagesë në Matematikën e Olimpiadave, në ambientet e Gjimnazit “Ismail Qemali” në Kamenicë.
Sipas drejtuesve të kësaj shoqate, ky program vjen si rrjedhojë e bashkëpunimit të shkëlqyeshëm me Drejtorinë Komunale të Arsimit në Kamenicë, me synim zbulimin dhe zhvillimin e talenteve të reja në matematikë, si dhe përgatitjen e nxënësve për gara dhe olimpiada matematikore.
“Falënderojmë Komunën e Kamenicës dhe Drejtorinë e Arsimit për mbështetjen dhe përkushtimin ndaj avancimit të nxënësve. Të gjithë pjesëmarrësve u urojmë fillim të mbarë dhe shumë suksese në këtë rrugëtim”, thuhet në njoftimin e Shoqatës së Matematikanëve të Gjilanit. /2LONLINE/
