Të rinjtë e vitias të interesuar në proceset politike dhe zgjedhore
/2L ONLINE/ – Me qëllim të nxitjes së të rinjve që të jenë pjesë në proceset politike dhe zgjedhore, sot në Viti u mbajt një takim me të rinjtë e kësaj komune. Ky takim u organizua nga Rrjeti i Edukatorëve Bashkëmoshatarë (PEN), në kuadër të projektit rinor “Fole n’fole” ku përveç përfaqësues të këtij rrjeti në panel ishte edhe Kryetari i Komunës së Vitisë, Sokol Haliti si dhe Zyrtari i Lartë pranë Komisionit Zgjedhor në Viti, Islam Mema.
Kryetari i Komunës së Vitisë Sokol Haliti, gjatë këtij takimi u shpreh se të rinjtë e Vitisë e kanë përkrahjen e komunës në aktivitetet e tyre duke theksuar se është shumë e rëndësishme që të rinjtë të jenë pjesë e proceseve vendimmarrjes.
“Jemi të interesuar të bashkëpunojmë ngushtë me rininë, për dy vite kemi treguar përformancë në aktivitetet e tona në të gjitha sferat si kulturore, sportive, rekreative por edhe ekonomike biznesore sidomos në bashkëpunime të reja në veçanti me fondacionin e Luksemburgut, USAID-in dhe të tjerë në projekte që prekin drejtë për drejtë sektorin e rinisë deri të projekti i qendrës rinore që është investim i MKRS-së në bashkëpunim me komunën“ u shpreh Haliti.
Ai ndër tjerash theksoj se ky viti është më i sukëseshëmi në 15 vitet e fundit në këtë komunë.
Ai përmendi angazhimin e institucioneve komunale për të rinjet vitias duke potencuar se DKRS e Vitisë është ndër komunat më të suksesshëm në Kosovë për realizimin e projekteve të ndryshme që lidhen drejtpërdrejtë edhe me rini.
Ndërkaq Adnan Ramadani nga Këshilli i Veprimit Rinor Lokal të Vitisë (KVRL) ndër tjerash falënderoj komunën e Vitisë për ndarjen e 15% të buxhetit të subvencioneve të DKRS-së ju jepen këtij këshilli duke potencuar se këtë veprim se ka bërë asnjë komunë e Kosovës.
Ndërkaq Drejtoresha për Kulturë, Rini dhe Sport ndër tjerash falënderoj Kryetarin e Komunës dhe Zyrtarin për Rini dhe Sport për mbështetjen e veçantë që po e japin në këtë sektorë duke përmendur se DKRS gjatë muajit të shkuar ka mbajtur një debat publik me të rinjtë e kësaj komune.
Ndërkaq Sihana Bejtullahu koordinatore e këtij projekti ka thënë se ky është një projekt shumë i rëndësishëm për rininë kosovare që ata t’i motivojmë për përfshirje sa më aktive në proceset politike e institucionale.
Zyrtari i Lartë pranë Komisionit Zgjedhor në Viti, Islam Mema ka folur për përfshirjen e të rinjve në proceset politike zgjedhore dhe vendimmarrje. Gjatë këtij takimi të rinjtë pjesëmarrës kanë parashtruar pyetje panalistëve.
Ky aktivitet u organizua nga Zyra e kryetarit të komunës në bashkëpunim me Zyrën komunale zgjedhore në Viti në bashkëpunim me Rrjetin e Edukatorëve Bashkëmoshatarë (PEN) në kuadër të projektit rinor “Fole n’fole”. /2L ONLINE/
