Të premten në Gjilan nis faza e parë e dezinsektimit hapësinor

Të premten, më 25 qershor 2021, në Gjilan do të fillojë faza e parë e dezinsektimit hapësinor.

Ky projekt mundësohet nga Komuna e Gjilanit dhe implementohet nga MONUNI –vazhdimësi e kompanisë Fauna Sh.P.K.

Ky aktivitet ndërmerret me qëllim të parandalimit të rrezikimit të shëndetit publik dhe sigurim e kushteve për jetë më të qetë nga thumbimet e insekteve.

Preparatet që përdoren gjatë këtij procesi janë ekologjike me një veprim të shpejtë dhe efekte maksimale.

“Nga bletarët kërkohet t’i mbajnë mbyllur bletët gjatë ditëve që kryhet kjo fazë e dezinsektimit, në mënyrë që të mos kenë ndonjë dëm eventual nga preparatet të cilat përdorën për asgjësimin e mushkonjave dhe insekteve tjera të dëmshme”, thuhet në njoftimin e Kompanisë MONUNI.

Në rast të shiut dhe ndryshimeve klimatike, procesi do të shtyhet për ditët në vijim. /2LONLINE.com/