“Të përgatitur maksimalisht, me qartësi në synime”

Ardian Nuhiu, shef i shtabit teknik të SC Gjilanit, është paraqitur para gazetarëve në konferencën për media para duelit hapës kampional ndaj FC Ballkani, duke folur për komponimin e ekipit, ardhjet e reja, si dhe edicionin e ri që po fillon.

“Mezi po e presim fillimin e kampionatit. Jemi të përgatitur maksimalisht, me besim dhe energji pozitive të cilën duhet ta përcjellim brenda fushës së lojës”.

“Ballkani është një ekip cilësor dhe i ndërtuar rishtazi, por ne kemi analizuar dhe kemi punuar në detaje për këtë sfidë. Presim gjithashtu edhe mbështetjen e tifozëve të cilët na kanë qëndruar afër gjithmonë” ka thënë Nuhiu.

Ai tha se lojtarët e ardhur janë ambientuar me ekipin dhe sistemin e punës këtu.

“Problematike mbetet fusha sintetike, e cila po na penalizon jo pak, pasi që edhe lojtarët po përballen me lëndime”, thotë ai.

Nuhiu tha se nuk do të qahen për edicionin e kaluar, por do të punojnë shumë për edicionin e ri.

“Episodet e kaluarës tashmë i kemi harruar dhe jemi të gatshëm për garën e re”, thotë kryetrajneri i SC Gjilanit, Ardian Nuhiu.  /2LONLINE/