Të mobilizuar në menaxhimin e zjarreve që kanë kapluar grykën e Letnicës

/2L ONLINE/ – Kryetari i Komunës së Vitisë, Sokol Haliti i shoqëruar nga Drejtorët Veton Ademi dhe Nexhmedin Jakupi gjatë fundjavës janë ngjitur në Grykën e Letnicës me qëllim që të shikohen mundësitë që të vihet në kontroll zjarri i cili prej pjesës së Maqedonisë ka kaluar për disa metra në teritorin e Kosovës konkretisht në pyjet mbi fshatin Shoshare të Komunës së Vitisë.

Me këtë rast Institucionet Komunale të Vitisë në bashkëpunim me mekanizmat e tjerë si Brigada e Zjarrfikësve, punëtorët e Agjensionit Pyjor etj po bëjnë përpjekje maksimale që të vihet në kontroll zjarret të cilët po e dëmtojnë një pjesë të madhe të pasurisë pyjore në këtë komune.

Ndërkaq gjatë ditës së sotme edhe grupet vullnetare ju janë bashkangjitur këtyre mekanizmave. /2L ONLINE/

Foto: Brigada e Zjarrfikësve në Viti