Të kënaqur me rezultatin e arritur në Testin e Arritshmerisë

/2L ONLINE/ – Drejtori i Drejtorisë së Arsimit, në Komunën e Kamenicës, Agim Shkodra, shprehët i kënaqur me rezultatet e sivjetshme të arritura në “Testin e Arritëshmërisë,” nga nxënësit e shkollave të mesme të ulëta të komunës së Kamenicës.

Sipas rezultatit të përgjithshëm të kalueshmërisë në shkollat e mesme të ulëta të komunës së Kamenicës është 69 % , i cili rezultat është për 9% më i lartë se niveli i mesatares në nivelin republikan.

Sipas statistikave, ka dallime në rezultate sa i përket lëndëve mësimore, në disa lëndë mësimore rezultati është shumë i mirë, e në disa ma i ultë, sidomos në lëndën e fizikës, që na jep të kuptojmë që të ardhmen t’i kushtohet ma tepër rëndësi kësaj lënde ka th[n[ Shkodra.

Ai theksoi edhe dallimet në nivel të shkollave të komunës së Kamenic[s. Suksesin e ulët në shkollën fillore “Metush Krasniqi” të Roganës, e arsyeton me faktin se kushtet në të cilat është zhvilluar procesi edukativo-arsimor në atë shkollë, sepse deri në vitin shkollor 2014/15, aty është punuar në tri ndërrime.

Shkodra është optimist, dhe beson se në vitet e ardhshme, me një angazhim edhe më të madh të stafit arsimor, do të arrijnë rezultate edhe më të mira./2L ONLINE/

/fotoilustruese/